“Azərpoçt”un sisteminin tam yenilənəcəyi tarix açıqlanıb
Bakı, 25 yanvar, AZƏRTAC
“Azərpoçt” MMC-də istifadə olunan proqram 20 ildir ki fəaliyyət göstərir. Əlbəttə ki, proqram köhnəlib və yenisi ilə əvəzlənməlidir. Buna görə sistemdə problemlər yaranır.
AZƏRTAC xəbər verir ki, bunu “Azərpoçt” MMC-nin İdarə heyətinin sədrinin vəzifələrini müvəqqəti icra edən İsi Mustafayev “2023-Hesabat” adlı tədbirdə bildirib.
Onun sözlərinə görə, sistemin daha yaxşı fəaliyyət göstərməsi üçün avadanlıqların, cihazların hər birinin dəyişdirilməsi lazımdır.
“Bununla bağlı 2023-cü ildə xeyli işlər görülüb. Amma bu gün məsələnin tam həlli mümkün deyil. Bu problem tədricən öz həllini tapacaq ki, bu, ayrıca bir layihədir. Təəssüf ki, bunun üçün il yarımadək vaxt lazımdır”, - İ.Mustafayev qeyd edib.
Bölmənin digər xəbərləri
