“AZERSUN HOLDİNQ”İN KƏND TƏSƏRRÜFATI BAZASI İNKİŞAF EDİR
Azərbaycanın mərkəzi aran bölgəsində uzun illər istifadəsiz qalmış minlərlə hektar torpaq sahəsi “Azersun Holdinq”in təşəbbüsü ilə yenidən əkin üçün yararlı hala salınmışdır.
“Azersun Holdinq” Şirkətlər Qrupundan AZƏRTAC-a verilən məlumatda bildirilir ki, pilot bölgə seçilən Biləsuvar rayonunda vaxtilə boş qalmış 3.400 hektar ərazidə ABŞ və Türkiyədən gətirilmiş müasir kənd təsərrüfatı texnikasının köməyi və mütəxəssislərin birgə əməyi sayəsində məhsul yetişdirilir. Yeni layihə bölgədə yaşayan yüzlərlə insanın işlə təmin edilməsində əhəmiyyətli rol oynamışdır.
“Azersun Kənd Təsərrüfatı” MMC əkin üçün tam yararsız və əlverişsiz olan bu sahədə iki il ərzində meliorasiya işləri apararaq torpaqları yararlı hala salmışdır. Müxtəlif ölkələrdən 25 pomidor sortu gətirilib təcrübədən keçirilmiş və becərmədə ilk dəfə olaraq damcılama üsulundan istifadə edilmişdir. İndiyədək 1.500 hektar sahədən məhsul əldə edilmişdir. Yaxın illərdə qalan ərazinin əkin üçün yararlı hala gətirilməsi nəzərdə tutulmuşdur.
Bölmənin digər xəbərləri
