BAKI FOND BİRJASININ MƏLUMATI

31.01.2002 [12:00]
Çap et
A⁺ A^-

Bakı Fond Birjasi və Azərbaycan Respublikası Maliyyə Nazirliyi arasında bağlanmış müqaviləyə uyğun olaraq, fevralın 1-də saat 11.00-dan 12.00-dək Bakı Fond Birjasında dövlət qısamüddətli istiqraz vərəqələrinin (DQİV) yerləşdirilməsi üzrə hərrac keçiriləcəkdir. DQİV buraxılışının dövlət qeydiyyat nömrəsi 10200304S, ümumi həcmi 40 milyard manat, bir istiqrazın nominal dəyəri 1 milyon manatdır. İstiqrazların tədavül müddəti 89 gün, DQİV buraxılışının ödəmə tarixi 1 may 2002-ci ildir. Hərrac zamanı, DQİV buraxılışının 20 faizindən artıq olmamaq şərtilə, qeyri-rəqabətli sifarişlərin qəbul edilməsinə icazə verilir.

Bakı Fond Birjasının üzvləri əməliyyatlarda iştirak etmək üçün zəruri pul vasitələrini Azərbaycan Respublikası Milli Bankında olan müxbir hesablarından birjanın klirinq hesabına ticarət günü saat 10.30-dan gec olmayaraq köçürülməlidirlər.

Bizim rekvizitlərimiz aşağıdakılardır:

Milli Bankın Hesablaşmalar Departamenti

Kod 501004

Klirinq hesabı 0137070003031

VÖİN 170033365