BAKI KITAB SƏRGI-MÜSABIQƏSI
Sentyabrın 13-də Azərbaycan Rəssamlar İttifaqının Vəcihə Səmədova adına sərgi salonunda respublikamızda ilk Bakı kitab sərgi-müsabiqəsinin açılış mərasimi olmuşdur.
Sərgidə 30-a yaxın nəşriyyatın təqdimatı ilə 800-dən çox müəllifin son üç ildə işıq üzü görmüş 1000-dən artıq kitabı nümayiş etdirilir. Sentiyabrın 13-dən 15-dək davam edəcək sərgi- müsabiqənin axırıncı günü naşirlərin iştirakı ilə keçiriləcək konfransda İlin ən yaxşı kitabı müəyyənləşdiriləcək və qaliblərə diplomlar, pul mükafatları təqdim olunacaqdır.
“Naşir” birliyinin direktoru Rafiq İsmayılov, Amerika Birləşmiş Ştatlarının ölkəmizdəki səfirinin xanımı Marqarita Skvayer, Türkiyədəki “Mavi bulud” nəşriyyatının müdiri Fateh Ərdoğan, “Azərbaycan Ensiklopediyası” Nəşriyyat-Poliqrafiya Birliyinin dirktoru İsmayıl Vəliyev və başqaları mərasimdə çıxış edərək sərgi-müsabiqənin əhəmiyyətindən danışmış, iştirakçılara uğurlar arzulamışlar.
Bölmənin digər xəbərləri
