BAKI MƏKTƏBLİLƏRİNİN XX SPARTAKİADASI BAŞLANMIŞDIR
AZƏRTAC xəbər verir ki, oktyabrın 30-da Azərbaycan Texniki Universitetinin idman sarayında Bakı şəhər məktəblilərinin XX spartakiadasının açılış mərasimi keçirilmişdir.
Bakı Şəhər Gənclər və İdman Baş İdarəsinin təşkilatçılığı ilə keçirilən tədbirin məqsədi məktəblilər arasında bədən tərbiyəsi və idmanın daha geniş təbliğinə, onların fiziki cəhətdən inkişafına kömək etməkdir.
Məktəblilərin spartakiadası idmanın stolüstü tennis, voleybol, dama, şahmat, dördnövçülük, güllə atıcılığı və mini futbol növləri üzrə keçirilir.
Spartakiadanın açılış mərasimində çıxış edən Bakı Şəhər Gənclər və İdman Baş İdarəsinin rəisi Raqif Abbasov yarışın gələcəkdə də ənənəvi xarakter alacağına rəhbərlik etdiyi qurum tərəfindən hər vasitə iIə kömək edəcəyini vəd etmiş, turnir iştirakçılarına uğurlar diləmişdir.
Sonra ötənilki spartakiadanın qalibləri mükafatlandırılmışlar.
Bölmənin digər xəbərləri
