“BAKI” MOLDOVANIN “ŞERİF” KOMANDASINA 3:4 HESABI İLƏ MƏĞLUB OLMUŞDUR
AzərTac-ın xüsusi müxbiri xəbər verir ki, yanvarın 20-də Moskvanın “Olimpiya” idman kompleksində “MDB və Baltikyanı ölkələrin Birlik çempionlarının Kuboku -2007” XV Beynəlxalq turniri başlanmışdır.
Xatırladaq ki, ölkəmizi turnirdə “Bakı” komandası təmsil edir. Komandamız Moldovanın “Şerif”, Estoniyanın “Levadiya”, Qırğızıstanın “Dordoy-Dinamo” komandaları ilə birlikdə “A” qrupunda oynayır.
“Bakı” ilk görüşündə “Şerif” komandasına 3:4 hesabı ilə məğlub olmuşdur. Futbolçularımızın fəal olmalarına və yaxşı hazırlıq nümayiş etdirmələrinə baxmayaraq, müdafiədə buraxdıqları səhvlər məğlubiyyətə gətirib çıxarmışdır. Rəqib komanda sonuncu qolu penalti vurmuşdur.
“Şerif”in qapısından topları Samir Musayev, Amiran Mucuri və Mixay Rionesku keçirmişlər.
“Bakı” yanvarın 21-də “Dordoy-Dinamo” komandası ilə görüşəcəkdir.
Bölmənin digər xəbərləri
