BAKI ŞƏHƏR BAŞ POLİS İDARƏSİNİN MƏLUMATI
Lakin şəhər icra hakimiyyətinin təklifi ilə razılaşmayan, habelə Bakı Şəhəri Baş Polis İdarəsinin və şəhər prokurorluğunun səlahiyyətli nümayəndələrinin rəsmi xəbərdarlıqlarına məhəl qoymayan, əslində isə necə olursa-olsun iğtişaş yaratmaqda, polisə qarşı zorakılıq göstərməklə hakimiyyətlə qarşıdurmaya getməkdə maraqlı olan qanunsuz aksiyanın təşkilatçıları oktyabrın 1-də saat 16.00-dan başlayaraq radikal müxalifəti təmsil edən digər partiyaların nümayəndələri ilə birlikdə ümumi sayı 400 nəfərədək olan azsaylı tərəfdarlarından ibarət kiçik qruplarla müxtəlif istiqamətlərdən şəhərin mərkəzinə - metronun “28 may” stansiyasının önündəki Cəfər Cabbarlı meydanına toplaşmağa cəhdlər etmişlər.
Milli Bankın köhnə binasının qarşısında Müsavat Partiyasının funksionerləri Rauf Arifoğlunun, Arif Hacılının və Qabil Hüseynlinin ətrafında olan 100-ə yaxın qanunsuz aksiya iştirakçısından xüsusi aqressivliyi ilə seçilən 20-30 nəfəri qanun keşikçilərinə hücum edərək zor tətbiq etmiş, əllərində olan kağıza bükülü armatur və dəmir parçaları ilə onlara xəsarət yetirməyə cəhd göstərmişlər.
Xidməti vəzifələrini yerinə yetirən polisin gördüyü tədbirlər nəticəsində qanunsuz aksiyanın qarşısı alınmış, asayişin kütləvi şəkildə pozulmasına imkan verilməmişdir.
Qarşıdurma zamanı 9 polis əməkdaşı müxtəlif dərəcəli bədən xəsarətləri almışdır.
Daxili işlər orqanları əməkdaşlarının qanuni tələblərinə tabe olmayan və ictimai qaydanı kobud şəkildə pozan 34 nəfər saxlanılmışdır.
Faktla bağlı araşdırmalar aparılır.
