BAKI ŞƏHƏR BAŞ POLİS İDARƏSİNİN MƏLUMATI
Şəhər İcra Hakimiyyəti tərəfindən müraciətə baxılaraq, yürüş-mitinqin keçirilməsi üçün onlara beş yer təklif olunmuş, bu barədə müraciətin müəlliflərinə rəsmi məlumat verilmişdir.
Lakin paytaxtın İcra Hakimiyyətinin təklifi ilə razılaşmayan, habelə Bakı Şəhər Baş Polis İdarəsinin və şəhər Prokurorluğunun səlahiyyətli nümayəndələrinin rəsmi xəbərdarlıqlarına məhəl qoymayan, əslində isə necə olursa-olsun iğtişaş yaratmaqda, polisə qarşı zorakılıq göstərməklə hakimiyyətlə qarşıdurmaya getməkdə maraqlı olan qanunsuz aksiyanın təşkilatçıları oktyabrın 9-da saat 16-dan başlayaraq radikal müxalifəti təmsil edən digər partiyaların nümayəndələri ilə birlikdə ümumi sayı 400 nəfərədək olan azsaylı tərəfdarlarından ibarət kiçik qruplarla şəhərin mərkəzində - əhalinin daha çox toplaşdığı, o cümlədən istirahət etdiyi, nəqliyyatın intensiv və ticarət obyektlərinin daha sıx olduğu yerlərdə asayişi pozmuşlar.
Xidməti vəzifələrini yerinə yetirən polisin gördüyü tədbirlər nəticəsində qanunsuz aksiyanın qarşısı alınmış, asayişin kütləvi şəkildə pozulmasına imkan verilməmişdir.
Qarşıdurma zamanı 11 polis əməkdaşı müxtəlif dərəcəli bədən xəsarəti almışdır.
Daxili işlər orqanları əməkdaşlarının qanuni tələblərinə tabe olmayan və ictimai qaydanı kobud şəkildə pozan 28 nəfər saxlanılmışdır.
Faktla bağlı araşdırmalar aparılır.
Bölmənin digər xəbərləri
