BAKI ŞƏHƏR BAŞ POLİS İDARƏSİNİN MƏLUMATI
Azərbaycan Demokrat Partiyasının Gənclər Təşkilatı fevral ayının 16-da mitinq keçirmək üçün Bakı Şəhər İcra Hakimiyyətinə müraciət etmişdir.
Müraciətə baxılaraq, “Sərbəst toplaşmaq azadlığı haqqında” Azərbaycan Respublikası Qanununun tələbləri və ictimai təhlükəsizlik baxımından onlara Yasamal rayonu ərazisində yerləşən “Qələbə” kinoteatrının qarşısındakı meydan təklif edilmiş və bu barədə mitinqin təşkilatçılarına rəsmi məlumat verilmişdir.
Lakin buna baxmayaraq, Azərbaycan Demokrat Partiyasının 70-80 nəfərdən ibarət üzvü bu gün - fevralın 16-da saat 15.00-da Azərbaycan Respublikası Konstitusiya Məhkəməsinin qarşısında və “Fəvvarələr” meydanında asayişi pozaraq mitinq keçirməyə cəhd göstərmişdir.
Bu qanunsuz aksiyanın qarşısı dərhal alınmış, polisə müqavimət göstərən fəal təhrikçi və iştirakçılarından 22 nəfəri saxlanılmışdır.
Faktla bağlı araşdırma aparılır.
Bölmənin digər xəbərləri
