BAKI ŞƏHƏR İCRA HAKİMİYYƏTİNİN MƏLUMATI
Azərbaycan Respublikasının Prezidenti möhtərəm Heydər Əliyevin tapşırığı ilə Bakı Şəhər İcra Hakimiyyəti başçısının Bakı kəndlərinin sosial problemlərinin həlli və sosial-iqtisadi inkişafı ilə əlaqədar kəndlərdə sakinlərlə keçirdiyi görüşlər zamanı onlar su satış məntəqələrində icməli suyun satış qiymətinin bahalığından da şikayət etmişlər. Sakinlərin haqlı təklifini nəzərə alaraq, Bakı Şəhər İcra Hakimiyyəti Abşeron Regional Su Səhmdar Cəmiyyəti ilə danışıqlar aparmış və 7 fevral 2002-ci il tarixdən Bakı kəndlərinin su satış məntəqələrində satılan içməli suyun 1 kubmetrinin, yəni 1 tonunun qiyməti 2620 manatdan 218 manata endirilmiş, yəni 12 dəfə ucuzlaşdırılmışdır.
Bölmənin digər xəbərləri
