Bakı Slavyan Universitetində 20 Yanvar faciəsinə həsr olunmuş silsilə tədbirlər keçirilir
Bakı, 18 yanvar (AZƏRTAC). 20 Yanvar faciəsinin iyirmi üçüncü ildönümünün keçirilməsi ilə əlaqədar Bakı Slavyan Universitetində (BSU) geniş tədbirlər planı hazırlanmışdır.
BSU-dan AZƏRTAC-a bildirmişlər ki, tədbirlər planı çərçivəsində universitetin kollektivinin və Məktəb-Lisey Kompleksi şagirdlərinin Şəhidlər xiyabanına ziyarəti təşkil edilmiş, Qanlı Yanvar faciəsinə həsr olunmuş xüsusi dərslər, toplantılar keçirilmişdir. Bundan əlavə, “Heydər Əliyev məktəbi” tələbə teleradiostudiyasında 20 Yanvar faciəsinə həsr olunmuş radioveriliş yayımlanmış, Məktəb-Lisey Kompleksində müsabiqələr təşkil edilmiş və fotostend hazırlanmışdır.
Moskva Dövlət Linqvistik Universitetində, M.Tank adına Belarus Dövlət Pedaqoji Universitetində, Poltava İqtisadiyyat və Ticarət Universitetində BSU tərəfindən yaradılmış tədris-mədəniyyət mərkəzlərində də 20 Yanvar faciəsinə həsr olunmuş bir sıra tədbirlər keçirilmişdir.
Bölmənin digər xəbərləri
