Bakı və Abşeronda 5054 ədəd partlayıcı oyuncaq və pirotexniki məmulat götürülüb
Bakı, 2 yanvar, AZƏRTAC
Respublikanın daxili işlər orqanlarının əməkdaşları tərəfindən ictimai qaydanın, məişət səs-küyünə qarşı mübarizə qaydalarının pozulmasına yönəldilmiş hərəkətlərin, eləcə də yüksək səsyayıcı qabiliyyətinə malik partlayıcı oyuncaqların və pirotexniki məmulatların qeyri-qanuni dövriyyəsinin qarşısının alınması məqsədilə tədbirlər davam etdirilir.
Daxili İşlər Nazirliyinin mətbuat xidmətindən AZƏRTAC-a bildirilib ki, əhalinin ciddi narazılığına səbəb olan, məişət səs-küyünə qarşı mübarizə qaydalarının pozulması hallarının qarşısının alınması məqsədilə polis əməkdaşları tərəfindən paytaxtın Qaradağ, Nərimanov, Xəzər, Suraxanı, həmçinin Abşeron rayonları ərazilərində tədbirlər keçirilib. Nəticədə ümumilikdə yüksək səsyayıcı qabiliyyətə malik 5054 ədəd partlayıcı oyuncaq və pirotexniki məmulat aşkar edilərək götürülüb.
Faktlarla bağlı qanunvericiliyə uyğun olaraq müvafiq tədbirlər görülüb.
Bu istiqamətdə tədbirlər davam etdirilir.
Bölmənin digər xəbərləri
