Bakıda Anton Ferştandtın yubiley konserti keçiriləcək
Bakı, 18 mart, AZƏRTAC
Martın 30-da Bakıdakı Rus Evində (RİMM) Azərbaycanın Əməkdar artisti Anton Ferştandtın “40 yaşda həyat hələ yeni başlayır” adlı yubiley konserti keçiriləcək.
Rusiya İnformasiya-Mədəniyyət Mərkəzinin mətbuat xidmətindən AZƏRTAC-a bildiriblər ki, konsert proqramında müxtəlif tarixi dövrlərdə yazılan rus, Azərbaycan və xarici bəstəkarlarının əsərləri səsləndiriləcək.
Proqrama Azərbaycanda Anton Ferştandtın yeganə ifaçısı olduğu əsərlər də daxildir. Bundan başqa yubilyarı dostları - musiqiçilər təbrik edəcək, onların arasında sənətşünaslıq üzrə fəlsəfə doktoru, BMA-nın baş müəllimi Alyona İnyakina, Azərbaycanın Əməkdar artisti Aleksey Miltıx, Bakı Musiqi Akademiyasının konsertmeysteri Dilarə Kərimova, beynəlxalq müsabiqələr laureatı Kamilla İmanova, Bülbül adına orta ixtisas musiqi məktəbinin şagirdi, respublika müsabiqələrinin diplomatı Dalər Odinayev də var.
Bölmənin digər xəbərləri
