“Bakıda avtoyürüş” macəra oyununun yekunları
Bakı, 7 iyun, AZƏRTAC
“f1news.ru” saytının “Bakı Şəhər Halqası” və “GP2 Russian Time” komandası ilə birlikdə keçirdiyi “Bakıda avtoyürüş” macəra oyununa yekun vurulub. Xatırladaq ki, oyun çərçivəsində tras xəritəsində yerləşdirilən ipucu ifadələr vasitəsilə nəzərdə tutulan söz birləşməsini tapmaq lazım idi.
Nəzərdə tutulan söz birləşməsi “Daxili şəhər” - “İçəri Şəhərin” hərfi tərcüməsidir (həmçinin tez-tez “Köhnə şəhər” və ya “Qala” kimi tərcümə edilir, lakin tapşırıqda məhz hərfi tərcümə nəzərdə tutulmuşdu). Bu, Bakının qala divarları ilə əhatə edilən, əsas görməli yerlərindən biri olan ən qədim məhəlləsinin adıdır. “Formula-1”in mühüm hissəsi məhz İçərişəhər ərazisində keçiriləcək. Bundan başqa, macəra oyunu təşkilatçılarının fikrincə, bu söz birləşməsi Azərbaycan paytaxtındakı “Formula-1” trasının dəqiq mahiyyətini maksimum çatdırır.
Tras xəritəsində yer alan müəyyən təxmini cavablar suallara düzgün cavab tapılması üçün ipucu olub. Qeyri-dəqiq versiyalar, ya da bir neçə variant macəra oyununun təşkilatçıları tərəfindən cavab kimi qəbul edilməyib.
AZƏRTAC “f1news.ru” saytına istinadla xəbər verir ki, macəra oyununda I yeri Sankt-Peterburqdan Yevqeni Rulyov, II yeri Moskvadan Maksim Borovik, III yeri Bakıdan Viktor Şapoşnikov tutub.
Qaliblər iyunun 17-dən 19-dak Bakıda keçiriləcək Avropa Qran-pri yarışlarının tribunasına bilet əldə edəcək, habelə “Russian Time” komandasının bokslarına düşə biləcəklər.
Bölmənin digər xəbərləri
