BAKIDA BEYNƏLXALQ TENNİS TURNİRİ KEÇİRİLƏCƏK
Bu məqsədlə Azərbaycan Tennis Federasiyası tərəfindən müvafiq hazırlıq işləri görülmüşdür. Federasiya tərəfindən Gənclər və İdman Nazirliyinin kortlarında əsaslı təmir işləri aparılmış, idman meydançaları dünya standartları səviyyəsinə çatdırılmışdır. Belə ki, yeni mərkəzi kort və tribuna tikilmiş, geyinmə-soyunma otaqları, məşqçilər və hakimlər üçün otaqlar yenidən təmir olunmuş, idman kompleksinin ərazisində abadlıq işləri aparılmışdır. Beynəlxalq Tennis Federasiyasının ekspertləri kompleksdə yaradılmış şəraitdən razı qalmışlar.
Beynəlxalq Tennis Federasiyasının razılığı ilə keçiriləcək professional turnir respublikamızda idmanın bu sahəsinin inkişafında mühüm rol oynayacaqdır.
Bölmənin digər xəbərləri
