BAKIDA QAÇIŞ GÜNÜ QEYD OLUNMUŞDUR
AZƏRTAC xəbər verir ki, iyunun 23-də Bakıda ənənəvi Qaçış günü qeyd olunmuşdur. Milli Parkda təşkil olunmuş 10 kilometrlik marafonda 700-dən çox iştirakçı qüvvəsini sınamışdır. Beynəlxalq Olimpiya Komitəsinin yaradılmasının ildönümünə həsr olunmuş Qaçış günü ölkəmizdə artıq 13-cü dəfədir ki, keçirilir. Azərbaycan Milli Olimpiya Komitəsinin baş məsləhətçisi Çingiz Şamilov bildirmişdir ki, bu yaxınlarda belə yarışlar Gəncədə də keçirilmişdir. Orada keçirilmiş marafonda iştirak edən ən yaşlı adam 76 yaşlı olmuşdur.
Açılış mərasimindən sonra iştirakçılar müxtəlif məsafələrə sprint yarışlarında da mübarizə aparmışlar.
Qalib və mükafatçılara Beynəlxalq Olimpiya Komitəsinin prezidenti Jak Roqqun imzası ilə sertifikatlar təqdim olunmuşdur.
Bölmənin digər xəbərləri
