BAKIDA TIXACLARIN QARŞISININ ALINMASI ÜÇÜN CİDDİ TƏDBİRLƏR GÖRÜLÜR
Bakı Şəhər Dövlət Yol Polisi İdarəsindən AZƏRTAC-a bildirmişlər ki, müşavirədə BŞBPİ-nin rəisi, general-leytenant Məhərrəm Əliyev çıxış etmiş, şəhərdə nəqliyyat vasitələrinin hərəkət intensivliyinin aşağı düşməsindən, tıxacların yaranma səbəblərindən danışmışdır. Bakı Şəhər Dövlət Yol Polisi İdarəsinin, rayon yol polis şöbələrinin əməkdaşlarının ünvanına ciddi iradlar söylənmiş və qeyd edilmişdir ki, tıxacların qarşısının alınması məqsədi ilə 35 nəzarət postu yaradılmışdır. Tıxacların baş verməsinə şərait yaradan bütün amillərin araşdırılması və ciddi tədbirlər görülməsi tapşırılmışdır. İdarə rəisi onu da vurğulamışdır ki, xidməti vəzifəsinin öhdəsindən layiqincə gəlməyən hər bir polis əməkdaşı barədə ciddi tədbir görüləcəkdir.
