Bakının bu küçələrinin kəsişməsində işıqforlar test rejimində yoxlanılır
Bakı, 15 yanvar, AZƏRTAC
Bakı Nəqliyyat Agentliyinin Yusif Səfərov layihəsi çərçivəsində sözügedən küçənin Mehdi Mehdizadə və Sabit Orucov küçələri kəsişməsində quraşdırılan işıqfor obyektləri test rejimində işə salınaraq təhlillər aparılır.
Agentlikdən AZƏRTAC-a bildirilib ki, layihə çərçivəsində Mehdi Mehdizadə küçəsindən “28 May” küçəsinə, Nizami küçəsindən Sabit Orucov küçəsinə birbaşa keçid imkanı yaradılıb. Nəticədə nəqliyyat vasitələrinin yürüş məsafəsi 1,5 kilometr qısalıb. Yusif Səfərov küçəsindən keçməklə Ağ Şəhərdən Mərkəzi Parka yeni nəqliyyat dəhlizləri yaradılıb.
Yeni yaradılan nəqliyyat dəhlizləri sayəsində Üzeyir Hacıbəyli, Afiyəddin Cəlilov, Yusif Səfərov küçələri, Neftçilər prospekti istiqamətində nəqliyyat yükü qismən azalacaq.
Bölmənin digər xəbərləri
