BALAKƏNDƏ HEYVANDARLIQ MƏHSULLARI İSTEHSALI ARTMIŞDIR
İqtisadiyyatının əsasını kənd təsərrüfatı məhsulları istehsalı təşkil edən Balakən rayonunda 2007-ci ilin birinci yarısında digər sahələr kimi, heyvandarlıqda da yüksək nəticələr əldə olunmuşdur.
Rayon icra hakimiyyətindən AZƏRTAC- in müxbirinə bildirmişlər ki, cari ilin ilk 6 ayında rayonda 2354 ton ət, 7918 ton süd istehsal olunmuşdur ki, bu da 2006-cı ilin müvafiq dövrü ilə müqayisədə müvaiq olaraq 19 və 74 ton çoxdur.
Hesabat dövründə rayonda iribuynuzlu mal-qaranın sayı ötən ilin müvafiq dövrünə nisbətən 984 baş artaraq 36 min 831 başa, davarların sayı isə 864 baş artaraq 32 min 514 başa çatmışdır.
Heyvandarlığı inkişaf etdirmək məqsədi ilə damazlıq işləri gücləndirilmiş, 5 dəst süni mayalandırma avadanlığı alınmış, Yeni Şərif və Katex kəndlərində arıçılıq üzrə 3 damazlıq təsərrüfatı yaradılmışdır.
Bölmənin digər xəbərləri
