BALAKƏNDƏ SƏRBƏST GÜLƏŞ ÜZRƏ RESPUBLİKA BİRİNCİLİYİ KEÇİRİLİR
İyunun 22-də Balakəndə idmanın sərbəst güləş növü üzrə məktəblilərin açıq respublika birinciliyinə start verilmişdir. Təhsil Nazirliyi “Təhsil” Respublika İdman Mərkəzinin xətti ilə keçirilən bu birincilikdə respublikamızın 25 şəhər və rayonunu təmsil edən 1990-1995-ci illər təvəllüdlü 200 nəfərədək yeniyetmə idmançı iştirak edir. Güləşçilər 15 çəki dərəcəsi üzrə mübarizə aparırlar.
Rayon icra hakimiyyətindən AZƏRTAC-a bildirmişlər ki, yarışlar başlamazdan əvvəl iştirakçılar Balakən şəhərində ümummilli liderimiz Heydər Əliyevin adını daşıyan bağda ulu öndərin abidəsini ziyarət edərək önünə əklil qoymuşlar.
Birinciliyin açılışı münasibətilə şəhərdəki Nizami adına 1 nömrəli orta məktəbin idman zalında keçirilən tədbirdə rayon icra hakimiyyəti başçısının müavini Nəzakət Rüstəmova, idman məktəbinin direktoru Hamlet Həsrətov, “Təhsil” İdman Mərkəzinin nümayəndələri çıxış edərək idmanın bu növünün təbliği və inkişaf etdirilməsində, habelə məktəbli güləşçilər arasında dostluq və idman əlaqələrinin möhkəmləndirilməsində belə yarışların əhəmiyyətini xüsusi qeyd etmiş, idmançılara uğurlar arzulamışlar.
Bölmənin digər xəbərləri
