“BANK OF BAKU” ASC WAP-SAYTINI İSTİFADƏYƏ VERMİŞDİR
AZƏRTAC xəbər verir ki, “Bank of Baku” ASC uğurla sınaqdan keçirdiyi wap.bankofbaku.com WAP saytını istifadəyə vermişdir.
Layihənin əsas məqsədi bank haqqında operativ məlumat almaq istəyən əhalinin rahatlığını təmin etməkdir.
WAP-sayt vasitəsilə “Bank of Baku” ASC-nin biznes və istehlak kreditləri, depozit hesablar, təcili pul köçürmə sistemləri, plastik kartlar, valyuta kursları, filial şəbəkəsi, mövcud vakansiyalar və bankın digər məhsul və xidmətləri haqqında ətraflı məlumat almaq mümkündür.
Bundan əlavə, WAP-sayt vasitəsilə iş saatlarında müştərini maraqlandıran hər hansı bir sualla bankın səlahiyyətli əməkdaşlarına müraciət etmək olar.
