BARAMA TƏDARÜKÜ BAŞA ÇATMIŞDIR
“Şəki-İpək” ASC-dən AZƏRTAC-ın müxbirinə bildirmişlər ki, respublikamızın baramaçılıq rayonlarında məhsul tədarükü başa çatmışdır.
Cari mövsümdə respublika kümdarları ümumilikdə 81 ton yaş barama istehsal etmişlər ki, bu da əvvəlki illə müqayisədə 19 ton çoxdur. Barama tədarükündə Zaqatala rayonu fərqlənmiş, tədarük məntəqələrinə 18 ton 665 kiloqram yaş barama məhsulu təhvil verilmişdir. Bu da respublika üzrə ən yüksək göstərici hesab olunur. Şəki kümçüləri 15 ton 891 kiloqram, Zərdab baramaçıları isə 14 ton 444 kiloqram məhsul istehsal etməklə, sonrakı pillələrdə qərar tutmuşlar.
Cari mövsümdə “Şəki-İpək” ASC-nin xətti ilə respublikamızın 14 baramaçılıq rayonunda kümdarlara ümumilikdə 4 min qutu, yəni 116 kiloqram ipəkqurdu toxumu paylanılımışdır.
Yetişdirilən yaş baramanın hər kiloqramı üçün kümdarlara cəmiyyət tərəfindən 3 manat ödənilmişdir.
Bölmənin digər xəbərləri
