“Barselona” Nelson Mandelanın anadan olmasının 100 illiyi münasibətilə yoldaşlıq görüşü keçirəcək
Bakı, 10 may, AZƏRTAC
“Barselona” futbol klubu Cənubi Afrika Respublikasının sabiq prezidenti Nelson Mandelanın anadan olmasının 100 illiyi münasibətilə CAR-da yoldaşlıq görüşü keçirəcəyi barədə məlumat verib.
AZƏRTAC “Barselona”nın rəsmi saytına istinadla xəbər verir ki, yoxlama görüşü ölkənin hazırkı çempionu “Mamelodi Sundowns” komandası ilə keçiriləcək. Oyun Yohannesburqda, “FNB Stadium”da - 2010-cu ildə dünya çempionatının finalının keçirildiyi stadionda mayın 16-da təşkil olunacaq.
Xatırladaq ki, “Barselona” cari mövsümdə İspaniya çempionu titulunu vaxtından əvvəl qazanıb.
Bölmənin digər xəbərləri
