BASKETBOL ÜZRƏ ÖLKƏ ÇEMPİONATI OYUNLARI KEÇİRİLMİŞDİR
AZƏRTAC xəbər verir ki, qadınların basketbol üzrə respublika birinciliyinin beşinci turunun oyunları keçirilmişdir
“Xəzər” idman klubunun meydançasında keçirilən oyunların nəticələri belədir: Dövlət Bədən Tərbiyəsi və İdman Akademiyası (II) - Nərimanov rayon uşaq-gənclər idman məktəbi - 39:34, Sumqayıt - “Xəzər” - 45:55, “Məşəl” - Dövlət Bədən Tərbiyəsi və İdman Akademiyası (I) - 70:77.
Dairəvi sistemlə keçirilən birinciliyin yarış cədvəlinə Dövlət Bədən Tərbiyəsi və İdman Akademiyasının birinci komandası 10 xalla başçılıq edir.
Milli Olimpiya Komitəsinin idman kompleksində isə kişilər arasında keçirilən ölkə çempionatının III dövrəsinin dördüncü turunda nəticələr belə olmuşdur: “AzTop” - Xəzər Universiteti - 87:67, “Azəri” - Qərb Universiteti - 72:110, Beynəlxalq Sığorta Şirkəti - “Qala” - 56:89.
Beşinci turun oyunları fevralın 12-də keçiriləcəkdir.
Bölmənin digər xəbərləri
