ELM VƏ TƏHSİL
BDU kollektivi Türkiyədəki zəlzələ qurbanlarının xatirəsini anıb
Bakı, 9 fevral, AZƏRTAC
Bakı Dövlət Universitetinin (BDU) kollektivi Türkiyədə baş vermiş zəlzələ nəticəsində çox sayda insanın həlak olması ilə əlaqədar qardaş ölkənin Azərbaycandakı səfirliyini ziyarət edib. Səfirlik binasının önünə əklil və gül dəstələri qoyulub, zəlzələ qurbanlarının əziz xatirəsi ehtiramla yad olunub.
Bu barədə AZƏRTAC-a BDU-dan məlumat verilib. Bildirilib ki, Türkiyədə baş vermiş zəlzələ ilə əlaqədar qardaş ölkəyə dəstək məqsədilə ölkəmizdə həyata keçirilən humanitar yardım kampaniyasında BDU-nun kollektivi və tələbələri könüllü olaraq fəal iştirak edirlər.
