BƏƏ-də neft hasilatı iki dəfədən çox azalıb
Bakı, 16 mart, AZƏRTAC
Birləşmiş Ərəb Əmirliklərində gündəlik neft hasilatı iki dəfədən çox azalıb. Buna İranla münaqişə və Hörmüz boğazının faktiki bağlanması səbəb olub. Nəticədə ADNOC dövlət neft şirkəti hasilatda genişmiqyaslı fasilələr tətbiq etməyə məcbur qalıb.
AZƏRTAC “Reuters” agentliyinə istinadla xəbər verir ki, dünya neft ehtiyatlarının təxminən beşdə birinin daşındığı Hörmüz boğazı vasitəsilə kommersiya gəmiçiliyinin dayanması qlobal enerji bazarlarında ciddi pozuntulara səbəb olub.
ADNOC şirkəti dəniz yataqlarında neft hasilatının azaldıldığını bildirib.
Analitiklərin qiymətləndirmələrinə görə, hazırda Yaxın Şərqdə ümumi neft hasilatının azalması sutkada 7–10 milyon barel arasındadır. Bu, dünya üzrə ümumi tələbatın təxminən 7–10 faizi deməkdir.
Bölmənin digər xəbərləri
