BƏLƏDİYYƏ FƏALİYYƏTİNİ GENİŞLƏNDİRİR
Respublikamızın digər bölgələrində olduğu kimi, Kürdəmir şəhər bələdiyyəsi də fəaliyyətini tədricən genişləndirir. Bələdiyyənin sədri Nizami Qəribov deyir ki, xalqın bizə göstərdiyi etimadı doğrultmaq üçün konkret tədbirlər planı hazırlamışıq və müəyyən işlər görülür. Bələdiyyələrin xüsusi vəsaiti olmadığı üçün büdcəni özümüz formalaşdırırıq. Dövlət imkan daxilində bizə kömək edir. Lakin hər şeyi dövlətdən ummaq düzgün olmazdı, özümüz gəlir mənbələrini axtarırdıq. Öz vəsaitimiz hesabına 6 milyon manat dəyərində su qurğusu quraşdırılmış, su nasosları alınmışdır. Küçələri abadlaşdırırıq. Əlillər və şəhid ailələri, valideyn himayəsindən məhrum olan 11 nəfər uşaq daim diqqət mərkəzindədir.
Qısa hazırlıqla əlaqədar elektrik transformatorlarının təmiri üçün 2 milyon manat vəsait ayrılmış, 12 məktəbə odun alınıb verilmişdir. Gənclərin istirahətini mənalı keçirməsi, onların idmanla məşğul olmalarına imkan yaratmaq üçün bina icarəyə götürülərək cüdo, kinqboks və digər növlər üzrə bölmələr tmşkil edilmiş, idman ləvazimatı alınmışdır. Əhalini işlə təmin etmək üçün tikiş və xalçaçılıq sexləri açmaq nəzərdə tutulur.
AZƏRTAC -ın
“Şirvan” informasiya mərkəzi
Bölmənin digər xəbərləri
