BEN LADENİN TƏRƏFDARLARI İSTANBULDA AYASOFİYA MƏBƏDİNİ ƏLƏ KEÇİRMƏYƏ HAZIRLAŞIRDILAR
ANKARA. Türkiyə xüsusi xidmət idarələrinin nümayəndələri bildirmişlər ki, Hüsəma ben Ladenin tərəfdarları İstanbuldakı dünya şöhrətli AyaSofiya məbəd-muzeyini ələ keçirmək planı hazırlamışdılar. Türklər bu barədə məlumatı ben Ladenin emissarı AFR-də həbs edildikdən sonra alman həmkarlarından almışlar. Həmin emissar belə bir planı bu ölkədə fəaliyyət göstərən islamçı qruplaşmalardan birinin - AFİD-in üzvləri ilə müzakirə etmək üçün oraya göndərilmişdi. Qruplaşmanın yaraqlıları guya “Anadolu federal islam dövləti”nin bayrağını məbədin üzərinə sancmalı idilər.
İTAR-TASS-ın verdiyi xəbərə görə, AFİD-in lideri Mətin Kaplan Kölndə öz siyasi əleyhdarını qətlə yetirdiyinə görə Almaniyada həbs cəzası çəkir. Türkiyədə ona qarşı üç cinayət işi qaldırılmışdır və prokurorlar ölüm cəzası kəsilməsinin zəruri olduğunu deyirlər.
Bildirilir ki, Kaplan ben Ladenlə sıx əlaqə saxlayırdı. AFİD-in lideri 1998-ci ilin noyabrında rəsmi mərasim zamanı Atatürkün Ankaradakı mavzoleyinə partlayıcı maddə doldurulmuş təyyarə göndərməyi planlaşdırmışdı. Lakin bu terror hərəkətinin qarşısı alınmışdı.
Bölmənin digər xəbərləri
