Bengt Hildebrand: Buranın dağları, xüsusilə Ömər aşırımı İsveç dağlarını xatırladır
Zəngilan, 13 may, A.Yavərzadə, AZƏRTAC
Buranın təbiəti, mənzərəsi məni valeh etdi. Hətta deyərdim ki, buranın dağları, xüsusilə Ömər aşırımı İsveçin şimalında yerləşən dağları xatırladır.
Bunu Zəngilanda AZƏRTAC-ın bölgə müxbirinə açıqlamasında erməni işğalından azad olunan ərazilərə səfər edən isveçli səyyah Bengt Hildebrand deyib.
“Bura səyahət edərkən çox məlumat topladıq. Minaların zərərsizləşdirilməsi prosesini də izlədik. Bu, bizdə böyük maraq oyatdı. Ərazilərin təmizlənməsi mütləqdir və bu istiqamətdə atılan addımlar təqdirəlayiqdir”, - deyə o əlavə edib.
Qeyd edək ki, İsveç səyyahlar qrupuna daxil olan 30-dan çox beynəlxalq səyahətçi üç gün ərzində azad olunmuş ərazilərdə erməni vandalizminə şahidlik edib, Azərbaycan dövlətinin bu torpaqlarda apardığı sürətli yenidənqurma-bərpa işləri ilə tanış olublar.
Bölmənin digər xəbərləri
