Beqonya Qomesə qarşı məhkəmə prosesi dayandırılacaqmı?
Bakı, 9 iyul, AZƏRTAC
İspaniyanın Baş naziri Pedro Sançesin həyat yoldaşı Beqonya Qomes Madrid məhkəməsindən özünə qarşı biznesdə əlaqələrindən istifadə və korrupsiya ilə bağlı araşdırmaya xitam verilməsini istəyib.
AZƏRTAC EFE agentliyinə istinadla xəbər verir ki, Beqonya Qomesin fikrincə, ona qarşı araşdırma aparmağa imkan verəcək heç bir hal yoxdur.
Aprel ayında Madrid məhkəməsi Baş nazirin həyat yoldaşına qarşı təhqiqatın başlandığını elan edib. O, şəxsi biznesində siyasi əlaqələrindən və korrupsiyadan istifadə etməkdə ittiham olunur.
“El Confidencial” qəzetinin yazdığına görə, araşdırma Beqonya Qomesin hökumətdən pul və dövlət müqavilələri alan bir neçə özəl şirkətlə münasibətlərinə əsaslanır. Pedro Sançes isə həyat yoldaşına qarşı hücumlarda ölkənin sağçı və ifrat sağçı siyasi qüvvələrini günahlandırır.
Bölmənin digər xəbərləri
