BERLUSKONİ PARLAMENT SEÇKİLƏRİ ƏRƏFƏSİNDƏ ÖZÜNÜ TƏBLİĞ EDİR

28.03.2006 [19:49]
Çap et
A⁺ A^-

AZƏRTAC xəbər verir ki, “Qardian” qəzetinin yazdığına görə, bu həftə milyonlarla italyan Baş nazir Silvio Berluskonidən jurnal hədiyyə almışdır. Jurnalda hökumətin qazandığı uğurlardan ətraflı söhbət açılır. 160 səhifəlik nəşrdə İtaliya lideri müasir dövrümüzün Corc Buş, Vladimir Putin və Toni Bleyer kimi ən nüfuzlu siyasətçiləri ilə yanaşı duran dövlət xadimi kimi təsvir olunur.

Başdan-başa fotoşəkillərlə bəzədilmiş nəşrdə Berluskonini estrada ulduzlarının və məşhur idmançıların əhatəsində görmək olar. Baş nazir ümid edir ki, 11 milyon tirajla buraxılan jurnal aprelin 9-10-da keçiriləcək parlament seçkilərinin nəticələrinə ciddi təsir göstərəcəkdir, çünki sosioloji sorğuların nəticələrinə görə, hazırda Berluskoni rəqibi – sol mərkəzçi koalisiyanın lideri Romano Prodidən geri qalır.

Yeri gəlmişkən, 2001-ci il parlament seçkilərində də bir çox italiyalı 125 səhifəlik belə bir jurnal almışdı. Nəşr tamamilə Berluskoninin bioqrafiyasına həsr olunmuşdu. Müşahidəçilərin fikrincə, bu, seçicilərin xoşuna gəlmiş və milyarderin seçkilərdə qələbə qazanmasına səbəb olmuşdu.

BERLUSKONİ PARLAMENT SEÇKİLƏRİ ƏRƏFƏSİNDƏ ÖZÜNÜ TƏBLİĞ EDİR

MÜƏLLİFLƏ ƏLAQƏ

Bölmənin digər xəbərləri