BESLANDA GİROVLARIN AZAD OLUNMASI VƏ TERROÇULARIN MƏHV EDİLMƏSİ ƏMƏLİYYATI BAŞA ÇATMIŞDIR
AZƏRTAC Rusiyanın kütləvi informasiya vasitələrinə istinadla xəbər verir ki, bunu jurnalistlərə girovların azad olunması üzrə operativ qərargahın rəhbəri Valeri Andreyev bildirmişdir. O demişdir ki, quldurlar 30 nəfərdən çox olmuşdur və onlar Rusiya, habelə xarici ölkələrin vətəndaşlarıdır. Onların arasında 2 qadın da vardı, biri özünü partlatmış, digəri isə gizlənə bilmişdir.
Terrorçuların ələ keçirdikləri məktəbin minalardan təmizlənməsi başa çatmışdır. Oradan 322 cəsəd çıxarılmışdır ki, bunların da 155-i uşaqdır. İstehkamçılar məktəbdə 50 kilorqram partlayıcı maddə tapmışlar.
Girovlardan 700-dən çox adam tibbi yardım üçün müraciət etmişdir. Sentyabrın 4-də günün ikinci yarısına olan məlumata görə, xəstəxanalarda 542 yaralı, o cümlədən 330 uşaq var. Beləliklə, Beslanda məktəbdə girov götürülənlərin sayı 1000 nəfərdən çox olmuşdur.
Bölmənin digər xəbərləri
