Bəstəkarlar İttifaqında Nəsiminin 650 illik yubileyi ilə bağlı elmi konfrans təşkil ediləcək
Bakı, 16 aprel, AZƏRTAC
Aprelin 18-də və 19-da Bəstəkarlar İttifaqında böyük Azərbaycan şairi İmadəddin Nəsiminin 650 illik yubileyinə həsr olunan elmi konfrans keçiriləcək.
Bu barədə AZƏRTAC-a Bəstəkarlar İttifaqının mətbuat xidmətindən məlumat verilib.
Bildirilib ki, konfransda böyük mütəfəkkirin ömür yoluna nəzər salınacaq və yaradıcılığı haqqında məruzələr dinləniləcək.
Qeyd edək ki, Azərbaycan Prezidentinin müvafiq Sərəncamına uyğun olaraq bu il ölkəmizdə “Nəsimi ili” elan edilib və şairin yaradıcılığına həsr olunmuş müxtəlif tədbirlər keçirilir.
Bölmənin digər xəbərləri
