BEYNƏLXALQ TEATR FESTİVALINDA İŞTİRAK EDƏCƏKLƏR
Azərbaycan Dövlət Mədəniyyət və İncəsənət Universitetinin dram və kino aktyorluğu fakültəsinin tələbələri İranda keçiriləcək beynəlxalq teatr festivalında iştirak etmək üçün Tehrana yola düşmüşlər.
Universitetdən AZƏRTAC-ın müxbirinə bildirmişlər ki, 10 gün davam edəcək festivalda xalq artisti, professor Cənnət Səlimovanın və kurs müəllimi Fikrət Məlikovun rəhbərliyi ilə tələbələr Anton Çexovun “Üç bacı” əsərini, Azərbaycan və dünya dramaturgiyasından nümunələr göstərəcəklər. Universitetin teatrşünaslıq kafedrasının dosenti Məryəm Əlizadə isə “Azərbaycan teatrı və teatr təhsili” mövzusunda məruzəsi ilə çıxış edəcəkdir.
Festivalın qaliblərinə mükafat, qadın və kişi rollarının ən yaxşı ifaçılarına isə diplomlar təqdim olunacaqdır.
Bölmənin digər xəbərləri
