BEYRUTDA NADİR QƏBİRİSTANLIQ TAPILMIŞDIR
Arxeologiya Departamentinin nümayəndəsi Əsəd Sif bildirmişdir ki, sərdabələrin üzərində romalıların eramızın II əsrində tikdikləri binanın bünövrəsi də üzə çıxmışdır. O demişdir: ”Bu yerdə qəbiristanlığın tapılması o qədər təəccüblü deyildir. Məlumdur ki, qədim zamanlarda qəbiristanlıq şəhər kənarında salınırdı. Bundan əvvəl isə arxeoloqlar yaxınlıqda o dövrdə Beyrutu əhatə edən və şəhərin sərhədlərini müəyyənləşdirən divarın bir hissəsini və keşikçi qülləsini aşkar etmişdilər”. Arxeoloqların fikrincə, yaxınlıqdakı kilsə qədim məbədin bir hissəsi ola bilər, çünki o dövrdə qədim ibadətxanalar qəbiristanlıqların yanında salınırdı.
Hazırda arxeoloq alimlər Beyrutun tarixini öyrənmək və onun Ellinizm və Roma dövrlərindəki əhəmiyyətini araşdırmaq üçün bu maraqlı tapıntıları tədqiq edirlər.
