Bild: Almaniyada ukraynalı qaçqınların yalnız dörddə biri işləyir
Bakı, 6 fevral, AZƏRTAC
Almaniyada iş yerlərinin sayının artmasına baxmayaraq, Ukraynadan olan qaçqınların yalnız 25,2 faizi işə düzəlib.
AZƏRTAC xəbər verir ki, bu barədə “Bild” qəzeti məlumat yayıb.
Qeyd olunur ki, Danimarkada bu göstərici 78 faiz, Çexiyada 66 faiz, Polşada 65 faiz, İsveç və Böyük Britaniyanın hər birində 56 faiz, Niderlandda isə 50 faiz təşkil edir.
Qəzetin yazdığına görə, bütün Avropa İttifaqı ölkələrində qanuni tələblər faktiki olaraq eynidir, lakin maliyyə baxımından əhəmiyyətli fərqlər var. Ekspertlərin fikrincə, xüsusilə Almaniyada ukraynalıları işə başlamağa sövq etməyən şərait yaradılır.
Digər amil isə ondan ibarətdir ki, Almaniyada ukraynalıların 72 faizi ali təhsilə malik olsalar da, yüksəkixtisaslı hesab edilsələr də, təhsilin təsdiqi proseduru çox uzundur.
Qeyd edək ki, BMT-nin məlumatına görə, Ukraynanın 10 milyona yaxın sakini qaçqın vəziyyətinə düşüb.
Bölmənin digər xəbərləri
