“Bir dünya istədim” klipinin təqdimatı olmuşdur
Bakı, 17 yanvar (AZƏRTAC). Yanvarın 17-də Beynəlxalq Mətbuat Mərkəzində 20 Yanvar faciəsinin 23-cü ildönümünə həsr edilmiş tədbir keçirilmişdir.
AZƏRTAC xəbər verir ki, tədbirdə 20 Yanvar - Ümumxalq Hüzn Gününə həsr edilmiş “Bir dünya istədim” klipinin təqdimatı olmuşdur.
Əməkdar Artist Tünzalə Ağayevanın ifasında çəkilmiş klipin rejissoru Ülviyyə Könül, mahnının sözləri Milli Məclisin deputatı Qənirə Paşayevanındır.
Tədbirdə çıxış edən Q.Paşayeva bildirmişdir ki, “Avrasiya Beynəlxalq Araşdırmalar İnstitutu” İctimai Birliyinin dəstəyi ilə ərsəyə gəlmiş bu klip 20 Yanvar faciəsi zamanı şəhid olmuş insanların, həmçinin dünyada davam edən təcavüzlərin doğurduğu fəlakətlərin qurbanına çevrilmiş adamların, uşaqların, körpələrin əziz xatirəsinə bir ithafdır.
İnsanları sülhə, ədalətə səsləyən yeni klip böyük maraqla qarşılanmışdır.
Bölmənin digər xəbərləri
