BİRGƏ LAYİHƏLƏR MÜZAKİRƏ EDİLİR
Dünya Səhiyyə Təşkilatı /DST/ 2002-ci ildə Azərbaycandakı fəaliyyətinin öncül istiqamətlərini elan etmişdir. DST-nin Bakı nümayəndəliyindən AZƏRTAC-ın müxbirinə bildirmişlər ki, bu beynəlxalq təşkilatın diqqəti vərəm, malyariya ilə, cinsi yolla keçən xəstəliklərlə mübarizəyə, sağlam həyat tərzinin təbliğinə, ruhi sağlamlığın möhkəmləndirilməsinə yönəldiləcəkdir. Hazırda Səhiyyə Nazirliyində DST ilə birgə həyata keçiriləcək layihələrin son variantları üzərində iş gedir. Bununla əlaqədar, Səhiyyə Nazirliyi ilə DST arasında müvafiq saziş imzalanacaqdır.
Bölmənin digər xəbərləri
