Birinci rübdə 129 min 751 daşınmaz əmlak üzərində mülkiyyət hüququnun qeydiyyatı aparılıb
Bakı, 28 aprel, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən daşınmaz əmlakın qeydiyyatı sahəsində göstərilən xidmətlərin keyfiyyət və kəmiyyətində müsbət dinamika müşahidə olunur.
Dövlət Xidmətindən AZƏRTAC-a bildirilib ki, 2023-cü ilin yanvar-mart ayları ərzində 129 min 751 daşınmaz əmlak üzərində mülkiyyət hüququnun qeydiyyatı aparılıb. Bu, ötən ilin eyni dövrü ilə müqayisədə 76,9 faiz çoxdur.
Cari ilin ilk 3 ayı ərzindəki göstəricinin 22 min 223-ü (17,1 faiz) ilkin, 107 min 528-i (82,9 faiz) isə təkrar qeydiyyatın payına düşüb. Ötən ilin eyni dövrü ilə müqayisədə ilkin qeydiyyat 23,6 faiz artıb.
Bölmənin digər xəbərləri
