Birinci sinfə şagird qəbulu elektron sistem vasitəsilə ərizələrin onlayn qeydiyyatı ilə həyata keçirilir
Bakı, 18 may, AZƏRTAC
2020-2021-ci dərs ili üçün ümumtəhsil məktəbləri, lisey və gimnaziyalarda I sinfə şagird qəbulu www.mektebeqebul.edu.az elektron sistemi vasitəsilə ərizələrin onlayn qeydiyyatı yolu ilə həyata keçirilir. Ərizələrin onlayn qeydiyyatı ölkənin bütün ümumtəhsil müəssisələrini, lisey və gimnaziyalarını əhatə edir. Bu barədə AZƏRTAC-a Təhsil Nazirliyindən məlumat verilib.
Bildirilib ki, 2020-2021-ci tədris ili üçün ümumtəhsil məktəbləri, lisey və gimnaziyalarda I sinfə şagird qəbulu Azərbaycan bölməsi üzrə ümumi qaydada, tədrisi digər dillərdə aparılan bölmələrə isə uşağın şifahi nitq bacarıqlarının qiymətləndirilməsi (müsahibə) yolu ilə həyata keçirilir (Bakı Avropa Liseyi, Respublika İncəsənət Gimnaziyası və Bülbül adına Orta İxtisas Musiqi Məktəbləri istisna olmaqla).
Elektron sistemdə qeydiyyat valideyn (qanuni nümayəndə) tərəfindən aparıla bilər.
Bölmənin digər xəbərləri
