Birləşmiş Ştatların neft ehtiyatları azalıb
Bakı, 26 noyabr, AZƏRTAC
ABŞ-ın xam neft ehtiyatları azalır.
AZƏRTAC xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ölkədəki neft ehtiyatları 800 min barrel (0,2 faiz) azalaraq 488,7 milyon barrel olub. Bazar proqnozları ehtiyatların 330 min barrel geriləyəcəyi istiqamətində idi. Əvvəlki həftə neft ehtiyatları 800 min barrel artmışdı.
ABŞ-ın strateji neft ehtiyatları isə 100 min barrel azalaraq 638,2 milyon barrel olub.
Ölkənin benzin ehtiyatları hesabat həftəsində 2,2 milyon barrel (1 faiz) artaraq 230,1 milyon barrel təşkil edib. Bazar proqnozları da ehtiyatların azalacağı istiqamətində idi. Benzin ehtiyatları əvvəlki həftə 2,6 milyon barrel çoxalmışdı.
Bölmənin digər xəbərləri
