BİŞKEKDƏ SƏHİYYƏNIN İNKİŞAFI İLƏ BAĞLI SEMİNAR KEÇİRİLMİŞDİR

04.06.2006 [01:04]
Çap et
A⁺ A^-

AZƏRTAC-ın xüsusi müxbiri xəbər verir ki, Bişkek şəhərində Ümumdünya Səhiyyə Təşkilatı, Dünya Bankı, Avropa Bankı və Qırğızıstan Respublikası Səhiyyənin İnkişafı Mərkəzinin təşəbbüsü ilə MDB ölkələrində səhiyyənin inkişafı məsələləri ilə bağlı Flaqman kursları keçirilmişdir.

Seminarda Milli Məclisin sosial siyasət daimi komissiyasının üzvü İlham Məmmədovun rəhbərliyi ilə Azərbaycan nümayəndə heyəti də iştirak etmişdir.

Tədbirdə MDB ölkələrində səhiyyə sahəsində həyata keçirilən islahatlar üçün ayrılmış vəsaitin məqsədyönlü istifadəsi və digər məsələlər müzakirə olunmuş, səhiyyə və maliyyə sahələrində təcrübə mübadiləsi aparılmışdır.

Azərbaycan nümayəndələri son illərdə ölkəmizdə səhiyyə sistemində aparılan islahatlar barədə geniş məlumat vermişlər.