“Bitcoin”in qiyməti 80 min dollardan aşağı enib
Bakı, 8 may, AZƏRTAC
“Bitcoin”in qiyməti yenidən 80 min dollardan aşağı enib.
AZƏRTAC xəbər verir ki, ekspertlər 80 min dollar səviyyəsinin çox vacib psixoloji hədd olduğunu bildirirlər.
Qeyd olunur ki, qiymət əsasən dayanıqlı qlobal risk aktivləri ilə birlikdə həftəlik nisbətdə daha yüksək olaraq qalır. “Bitcoin” fyuçersləri üçün maliyyələşdirmə dərəcələri isə ardıcıl 67 gündür mənfi olub.
Mayın 4-də “Bitcoin”in qiyməti yanvarın 31-dən indiyədək ilk dəfə ticarət zamanı 80 min dollar həddini keçmişdi. Növbəti günlərdə isə əsas kriptovalyutanın qiyməti 81 min 500 dollara kimi bahalaşmışdı.
Xatırladaq ki, “Bitcoin”in qiyməti 2025-ci il ərzində 6 faizdən çox ucuzlaşıb.
Bölmənin digər xəbərləri
