BİZNES QARŞILIQLI MÜNASİBƏTLƏRİN DAHA DA İNKİŞAFINA KÖMƏK EDƏCƏK
Türkiyənin Azərbaycandaki səfiri Hulusi Kılıç avqustun 27-də Xəzər İnteqrasiya Klubunda (CIBC) və “Caspian Energy” Beynəlxalq nəşriyyat evində olmuşdur.
CİBCNews-dən AZƏRTAC-a bildirmişlər ki, söhbət zamanı diplomat Azərbaycanda iqtisadiyyatın artımını, biznesin inkişaf səviyyəsini və ölkənin tərəqqisini yüksək qiymətləndirmiş, əmin olduğunu bildirmişdir ki, hər iki dövlətin biznes qurumları bütün istiqamətlərdə ikitərəfli əməkdaşlığın gələcək inkişafına yaxından kömək edəcəklər. Bu məqsədlə xüsusi proqram hazırlamaq olar. O bildirmişdir ki, işgüzar münasibətləri möhkəmləndirmək üçün birgə konfranslar, seminarlar, Türkiyə və Azərbaycanın biznes dairələri nümayəndələrinin qarşılıqlı səfərləri təşkil ediləcəkdir.
CIBC-in prezidenti və baş icraçı direktoru Telman Əliyev diplomatı başçılıq etdiyi qurumun səmərəli Azərbaycan-Türkiyə əlaqələrinin inkişafına verdiyi töhfə ilə tanış edərək xüsusi vurğulamışdır ki, Azərbaycan və Türkiyə biznesmenləri hər iki ölkənin diasporlarının imkanlarından və birgə fəaliyyətindən istifadə etməklə, fəal surətdə Avropa bazarlarına, o cümlədən Baltikyanı ölkələrin bazarlarına daxil olmalıdırlar. CIBC Azərbaycanda fəaliyyət göstərən Türkiyə sahibkarları birlikləri ilə bundan sonra da sıx əməkdaşlıq etmək niyyətindədir.
######
Bölmənin digər xəbərləri
