BMT, Beynəlxalq Valyuta Fondu və Dünya Bankı iqlim dəyişmələrinə görə narahatlıq keçirir
Bakı, 12 aprel (AZƏRTAC). Birləşmiş Millətlər Təşkilatı, Beynəlxalq Valyuta Fondu və Dünya Bankı iqlim dəyişmələrinə qarşı mübarizə naminə maliyyə nazirlərinə müraciət edərək, atmosferə karbon qazı tullantılarına görə vergilər tətbiq etməyə çağırmışlar.
Beynəlxalq Valyuta Fondunun rəhbəri Kristin Laqard Vaşinqtonda keçirilən illik maliyyə forumunda kömür, neft və qaz üçün subsidiyaların dayandırılmasının da zəruri olduğunu vurğulamışdır.
Dünya Bankının prezidenti Cim Yen Kim iqlim dəyişmələri inkişaf etməkdə olan ölkələrdə iqtisadi artımı dayandıra biləcəyindən narahatlıq ifadə etmişdir.
BMT-nin baş katibi Pan Gi Munun sözlərinə görə, indi bəşəriyyət böhranlı həddə çatmışdır: iqlim dəyişmələrinə mane olmaq üçün təxirəsalınmaz tədbirlər görmək lazımdır.
Dünyanın maliyyə idarələri rəhbərlərinin görüşü hələ iki gün davam edəcəkdir. Bu barədə BBC məlumat vermişdir.
Bölmənin digər xəbərləri
