“BOKT International” QSC istiqrazlarının yerləşdirilməsi rəqabətli hərrac üsulu ilə keçiriləcək
Bakı, 4 iyun, AZƏRTAC
Bakı Fond Birjasının (BFB) Listinq Komitəsinin qərarı “BOKT International” QSC-nin ümumi dəyəri 2 milyon manat olan istiqrazları standart bazar seqmentində listinqə daxil edilib.
BFB-dən AZƏRTAC-a bildirilib ki, iyunun 7-də “BOKT International” QSC istiqrazların yerləşdirilməsi rəqabətli hərrac üsulu ilə Bakı Fond Birjasında həyata keçiriləcək. Faizli, təmin edilməmiş, sənədsiz, adlı istiqrazların sayı 20 min ədəd, nominal dəyəri 100 manat, illik faiz dərəcəsi 13 faiz, tədavül müddəti 18 aydır. Yerləşdirmə üzrə anderrayter “AzFinance İnvestisiya Şirkəti” QSC-dir. Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilib. İstiqrazların emissiya prospektini BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə edə bilərsiniz.
Bölmənin digər xəbərləri
