BOLQARISTAN İRAQDAN QOŞUNLARININ ÇIXARILMASINI BAŞA ÇATDIRDI
Bolqarıstanın müdafiə naziri Veselin Bliznakov bildirmişdir ki, 130 hərbi qulluqçudan ibarət sonuncu qrup Küveytə gəlmişdir və buradan vətənə yola düşəcəkdir. İndiyədək Fars körfəzi bölgəsindən 224 bolqar hərbi qulluqçusu vətənə dönmüşdür və gözlənildiyinə görə, həftənin axırınadək bütün bolqar hərbçilər evə qayıdacaqlar. İndi İraqda cəmi dörd bolqar hərbçi qalmışdır. Onlar hərbi texnika yüklənmiş gəmini müşayiət edəcək və artıq yanvarın ortalarında vətəndə olacaqlar.
Mayda Bolqarıstan parlamenti İraqdakı hərbi kontingentin azaldılmasına, habelə dekabrın 31-dək qoşunların bu ölkədən tamamilə çıxarılmasına səs vermişdir. İTAR-TASS-ın məlumatına görə, Bolqarıstan hərbi kontingentinin İraqda qaldığı 2,5 il ərzində 18 bolqar hərbçi həlak olmuşdur.
Bölmənin digər xəbərləri
