Botanika İnstitutu “Səninləyəm, Türkiyə!” yardım kampaniyasına qoşulub
Bakı, 8 fevral, AZƏRTAC
Fevralın 6-sı səhər saatlarında Türkiyədə baş verən və genişmiqyaslı dağıntılara, çoxsaylı insan tələfatına səbəb olan zəlzələnin nəticələrinin aradan qaldırılması məqsədilə Elm və Təhsil Nazirliyi Botanika İnstitutu da “Səninləyəm, Türkiyə!” yardım kampaniyasına qoşulub.
Bu barədə AZƏRTAC-a institutdan məlumat verilib. Bildirilib ki, yardım üçün vəsaitin toplanması davam edir. Botanika İnstitutunun kollektivi həlak olanların ailələrinə və yaxınlarına, qardaş Türkiyə xalqına dərin hüznlə başsağlığı verir, yaralananlara və xəsarət alanlara şəfa diləyir.
Bölmənin digər xəbərləri
