Böyük Britaniya Avropa İttifaqı ölkələrinə yük daşıyan nəqliyyat vasitələri üçün nəzarəti asanlaşdırıb

20.04.2021 [18:49]
Çap et
A⁺ A^-

London, 20 aprel, AZƏRTAC

Böyük Britaniya Avropa İttifaqına (Aİ) üzv ölkələrə yük aparan nəqliyyat vasitələri üçün nəzarəti asanlaşdırıb.

AZƏRTAC xəbər verir ki, Britaniya hökuməti Aİ-yə məhsul daşıyan nəqliyyat vasitələrinin artıq liman bölgəsinə girmək üçün xüsusi icazəyə ehtiyacı olmadığını açıqlayıb. Yeni sistem yük maşınlarının sərhəddə yığılmasının qarşısını almaq məqsədi daşıyır.

İlk Kentdə tətbiq olunan sistem məhsul daşıyan şirkətlərin yeni tələblərə uyğunlaşdığını və sərhədlərə tam hazır vəziyyətdə gəldiklərini göstərib.

Həmçinin Britaniya ilə Aİ arasındakı yük həcmi normal səviyyəyə qalxıb, fevral ayında ixracda 46 faiz artım olub.

Aynurə Tağıyeva

AZƏRTAC-ın xüsusi müxbiri

London