Böyük Britaniya şahzadəsi Anna Ukraynaya səfər edib
London, 1 oktyabr, AZƏRTAC
Böyük Britaniya Kralının bacısı, şahzadə Anna müharibədən zərər çəkmiş uşaqlara dəstək məqsədilə Ukraynaya gözlənilməz səfər edib.
AZƏRTAC xəbər verir ki, bu barədə Bukingem Sarayı məlumat yayıb.
Bildirilib ki, səfərin əsas məqsədi münaqişə bölgəsində yaşayan uşaqların keçirdiyi travmatik hallara diqqət çəkmək olub.
Səfər çərçivəsində şahzadə Anna Ukrayna Prezidenti Volodimir Zelenski ilə də görüşərək Böyük Britaniyanın bu ölkəyə dəstəyini və rəsmi Kiyevin davamlı müqavimətini müzakirə edib.
Şahzadə Ukraynanın birinci xanımı Olena Zelenskaya ilə birlikdə Xarkov şəhərində yerləşən Uşaq Memorialına baş çəkib.
Bundan başqa, müharibə dövründə təsis edilmiş uşaq hüquqlarının müdafiəsi mərkəzində də olub, burada ailələrinə qovuşan uşaqlarla və digər azyaşlıların geri qaytarılması üçün çalışan heyətlə görüşüb.
London
Bölmənin digər xəbərləri
